Средба на ЗМНР Жерновски со новоназначениот претставник на УНИЦЕФ, Ди Џовани
Заменик министерот за надворешни работи Андреј Жерновски денеска ја прими новоназначната претставничка на УНИЦЕФ во земјава, Патрициа Ди Џовани, која при тоа му ги предаде копиите од акредитивните писма.
Посакувајќи и добредојде и успешна мисија на Ди Џовани, Жерновски истакнал дека Владата високо ја цени соработката со канцеларијата на Детскиот фонд на ОН (УНИЦЕФ) во Скопје.
Како што соопшти Министерството за надворешни работи, Жерновски ја запознал соговорничката со текот на имплементацијата на приоритетите на Владата, како и со спроведувањето на националните реформи во сферата на детската заштита, образованието и здравствениот систем.
Тој изразил очекување дека канцеларијата на УНИЦЕФ во земјата и под водство на новиот претставник Ди Џовани, ќе продолжи да ги поддржува активностите на Владата насочени кон реализацијата на нејзините приоритети во однос на подобрувањето на состојбата со правата на децата во државава.
Ди Џовани го поздравила успехот постигнат во изминативе неколку години во однос на детските права во земјава, посебно во однос на деинституционализацијата. Во разговорите била реафирмирана и подготвеноста на УНИЦЕФ да ги поддржува натамошните реформи со цел надминување на утврдените проблеми во однос на заштитата и промоцијата на правата на децата.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228