Средба на Заев со групата Renew Europe во ЕП: Продолжуваме да даваме аргументи пред ЕУ, очекуваме дека тоа да се вреднува
Средба на претседателот Заев со групата Renew Europe во ЕП: Продолжуваме да даваме аргументи пред ЕУ, очекуваме дека тоа ќе вреднувано
Претседателот на СДСМ Зоран Заев заедно со генералниот секретар Љупчо Николовски денеска оствари средба со делегација на групата во Европскиот парламент Renew Europe предводена од претседателот Дачиан Колош.
На средбата се разговараше за актуелни теми, предизвиците во евроинтеграциите, реформскиот процес, како и актуелната политичка состојба во Република Македонија.
Пред присутните, претседателот Заев ги истакна спроведените реформи што Владата предводена од СДСМ ги спроведе а се важни за евроинтеграциите но и за самата држава.
– Во изминатите две и пол години покажавме дека сме посветени на европската иднина. Сторивме се што ЕУ од нас бараше. Се посветивме на реформите кои се важни за правдата, за државата но и за европската иднина на нашите граѓани. Го усвоивме Законот за Јавно обвинителство кој е аргумент плус пред нашите партнери во ЕУ и испративме порака дека сме силно мотивирани во процесот на реформи. Ќе продолжиме да даваме уште повеќе аргументи пред Унијата и верувам дека тоа ќе биде препознаено и вреднувано“ порача претседателот Заев.
Претседателот Заев додаде дека важно е и ЕУ да даде дополнителен имплус за да продолжи мотивацијата на граѓаните и институциите за остварување на стратешката цел, интеграција во ЕУ.
Претседателот на Renew Europe Дачиан Колош му честиташе на Заев за храброста и лидерството во решавање на отворените прашања, и честиташе на државата за постигнатите успеси на домашен и меѓу народен план и порача дека групата европратеници што тој ја предвдои во Европскиот парламент ќе продолжи силно да се залага за брзо отворање на преговорите на Унијата со Република Македонија и нејзина интеграција во Европската унија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација