Македонија
13. July 2019 - 19:57

Средба на Шекеринска и Димковски со граѓани и дуќанџии на Широк Сокак

Заменичката на претседателот на Владата на Република Северна Македонија и министерка за одбрана Радмила Шекеринска и министерот за земјоделство, шумарство и водостопанство Трајан Димковски, денешната работна посета на Битола ја завршија со кратка прошетка на Широк Сокак.

Шекеринска и Димковски, информираат од владината прес-служба, со граѓаните и со сопствениците на дел од дуќаните во битолската чаршија поразговале за владините мерки со коишто парите се враќаат кај нив, како поврат на 15 проценти од ДДВ за физички лица, зголемена парична помош за ранливите семејства, поголем опфат на деца со мерката за образовен и детски додаток, зголемување на минималната плата, намалувањето на казните, финансиската поддршка на фирмите како и навремен поврат кон фирмите.