Средба на претседателот Пендаровски со црногорскиот премиер Абазовиќ
Претседателот на државата Стево Пендаровски оствари средба со претседателот на Владата на Црна Гора, Дритан Абазовиќ, за време на учеството на Светскиот економски форум во Давос.
Како што соопшти Кабинетот на Пендаровски, на средбата беше изразена подготвеност за унапредување на севкупните билатерални односи меѓу Република Северна Македонија и Црна Гора, нагласувајќи ги потенцијалните можности за јакнење на економската соработка.
-Двајцата соговорници разменија мислење за актуелните политички случувања во двете земји, во Европа и во регионот на Западен Балкан, реафирмирајќи ги заложбите за регионална стабилност, безбедност и просперитет, преку доследно јакнење на демократските процеси и засилено меѓународно партнерство. Соговорниците се согласија дека тесната соработка во рамки на НАТО сојузништвото ќе продолжи и во процесот на интеграција во Европската Унија, како заедничка стратешка цел на двете земји, информира Кабинетот на претседателот Пендаровски.
Пендаровски му честиташе на Абазовиќ за назначувањето на новата функција, посакувајќи му успешен мандат при справувањето со внатрешните и со надворешно-политичките предизвици и цели.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок