Средба на министерот Бектеши со италијанскиот амбасадор Ромеро
Неодамна одржаниот Самит во Трст е добар исчекор во економското поврзување на земјите од Западен Балкан, оценија министерот за економија Крешник Бектеши и италијанскиот амбасадор Карло Ромеро на денешната средба во Скопје.
Двајцата, информираат од Кабинетот на Бектеши, изразија задоволство од произлезените заклучоци од Самитот, со кои Република Македонија доби неповратни 70 милиони евра од европските пари наменети за транспортно поврзување на Западен Балкан.
Министерот Бектеши истакна дека Италија е важен трговски партнер на Република Македонија, позиционирајќи се на петтото место во 2016 година на листата на најголеми трговски партнери, што претставува солидна основа за отврање нови можности и нејзино продлабочување со конкретни заеднички проекти.
Истакна дека зајакнувањето на соработката на полето на енергетиката, минералните суровини и туризмот ќе придонесе не само за зголемување на билатералната соработка, туку и за нови инвестиции и забрзан економски развој, а тоа ќе се постигне преку создавање поволна бизнис клима и за домашните и за странските инвеститори.
Италијанскиот амбасадор, пак, ја потенцираше поддршката што неговата земја ја дава на Македонија на нејзиниот пат кон евроатлантските интегративни процеси.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро