Средба на директорите на ФЗОМ со делегација на Фондот за задолжително здравствено осигурување на Албанија
Законската регулатива, начинот на којшто се остваруваат правата од здравственото осигурување, особено македонскиот модел на стекнување на правото на ортопедски помагала беа во фокусот на работната средба на директорите на Фондот за здравствено осигурување на Македонија, Сашо Стефаноски и Орхан Рамадани со директорката на Фондот за задолжително здравствено осигурување на Република Албанија, Вјолца Брахо.
Средбата, соопшти ФЗОМ, се одржа на иницијатива на Фондот за задолжително здравствено осигурување на Република Албанија, чии претставници изразија интерес да добијат подетален преглед и информации за реформите спроведени во Фондот за здравствено осигурување на Македонија.
На средбата беше истакнато заемното задоволство од иницијативата за соработка меѓу двата фонда, особено откако се потпиша Меѓународниот договор за социјално осигурување меѓу двете земји и се ратификуваше во Собранието на Република Македонија и Република Албанија. Стана збор и за модалитетите и механизмите за продлабочување на заедничката билатерална соработка во иднина.
На средбата присуствуваа и директорот на правен сектор Арманд Даико, директорот на сектор фармација Ахмед Хиса од ФЗОА, како и други преставници на двете институции.
Од ФЗОМ информираат дека продолжуваат да работат на обезбедување поквалитетни услуги за своите осигуреници во и надвор од Македонија.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок