Средба на Димитров со шпанскиот амбасадор Сера: Поддршката од Шпанија за европерспективата на земјата
Заменик претседателот на Владата задолжен за европски прашања, Никола Димитров денеска оствари средба со амбасадорот на Шпанија во Македонија, Емилио Лоренцо Сера, соопштија од СЕП.
Вицепремиерот Димитров се надоврза на дискусијата остварена на средбата во октомври 2020 година при што го информираше шпанскиот амбасадор за континуираната посветеност на процесот на пристапување и ја претстави „Агенда: Европа дома” со која се потврдуваат заложбите за испорака на резултати во приоритетните области од кластерот „Темели”, изразувајќи надеж дека одлуката за почеток на пристапни преговори со Македонија од март 2020 година ќе се ефектуира во пресрет на идниот европски самит.
– Оваа година е можеби клучна година за одржување на кредибилитетот на ЕУ во регионот, што е од стратешки интерес и за земјите-членки како можност за развој на модалитетите за продлабочување на билатералната соработка. Благодариме за поддршката на Мадрид, а имаме интерес и за техничка помош во клучните реформски области заради постигнување на одржливи резултати, истакна Димитров.
На средбата беше реафирмирана поддршката од шпанска страна за европската перспектива на државата за што е неопходно отпочнување на преговорите за членство со Унијата што е можно поскоро, а беше разговарано и за можностите за зајакнување на билатералната соработка помеѓу двете држави во главните реформски област, но и економската и инвестициската рамка.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација