Средба на бугарскиот премиер со претседателот на Косово
Косовскиот претседател Хашим Тачи денеска му врачи медал на бугарскиот премиер Бојко Борисов по повод 10 години од независноста на Косово.
„Од името на бугарскиот народ го примив Претседателскиот медал за придонес за слободата и независноста на Република Косово, а по повод 10 години од прогласувањето. Знак на благодарност кон бугарскиот народ, кој секогаш ја поддржувал борбата за слобода, независност и мир во регионот“, напиша Борисов на својата Фејсбук страница.
По свечената церемонија, Борисов имаше средба со Хашим Тачи, а во тек се разговори со косовскиот премиер Рамуш Харадинај.
- На средбата разговаравме за европскиот пат на земјите од Западен Балкан и гарантирањето на мирот и безбедноста во регионот. Двајцата сме согласни дека инфраструктурните проекти и дигиталната поврзаност меѓу шесте балкански земји и Европската унија ќе го забрза развојот на нашите држави, напиша Борисов на Фејсбук по средбата со Тачи.
Борисов повика на продолжување на дијалогот меѓу Белград и Приштина за да можат двете земји да ги решат проблемите, бидејќи само тогаш можат да станат кандидатки за членство во ЕУ. Исто така, Борисов изрази надеж дека и Скопје и Атина ќе успеат да го решат проблемот со името.
Во рамки на еднодневната работа посета, Борисов ќе има средба и со шефовите на мисијата на ЕУ во Косово.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација