Средба Маричиќ – Брнз: САД остануваат силен поддржувач на европската интеграција на Северна Македонија
Американската поддршка во процесот на европската интеграција на нашата земја, важноста и неопходноста од напредокот на Западен Балкан во процесот на евроинтеграциите, се дел од темите на кои е разговарано на денешната средба на заменик претседателот на Владата за европски прашања, Бојан Маричиќ со амбасадорката на САД во Северна Македонија, Кејт Мери Брнз.
Вицепремиерот Маричиќ во пресрет на заедничката седница со Владата на Бугарија ѝ го претставил на амбасадорката Брнз начинот на кој ќе се формираат и на кој ќе функционираат работните групи во рамки на новиот пристап со Бугарија, од кои се очекува да го придвижат процесот за надминување на отворените прашања, но и да бидат добра основа за зајакнување на соработката помеѓу институциите, граѓанскиот и бизнис секторите.
На крајот, како што посочуваат, вицепремиерот за европски прашања Маричиќ истакнал дека јакнењето на соработката со Соединетите Американски Држави, како наш стратешки партнер со кој негуваме долгогодишни блиски односи, е од голема важност бидејќи САД останува еден од главните поддржувачи на реформската агенда на патот кон европската интеграција.
Амбасадорката Брнз на средбата упатила честитки до вицепремиерот Маричиќ за новата функција, изразувајќи доверба во неговиот личен ангажман дека ќе даде голем придонес во евроинтегративниот процес на земјата во рамки на мандатот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација