Свет
11. January 2016 - 21:27

Средба Кери - Лавров за Сирија, ИД, Украина

Министрите за надворешни работи на САД и на Русија, Џон Кери и Сергеј Лавров, разговараа денеска за бројни актуелни прашања - од политичкиот процес за Сирија, борбата против Исламска држава и Блискиот Исток до Украина, Северна Кореја и билатералните односи.

- Tие се согласија да бидат во постојан контакт и наскоро да се сретнат, изјави портпаролот на американскиот Стејт департмент Џон Кирби.

Тој не прецизираше кога би можело да дојде до средбата.

Како што пренесува ТАСС, двете страни ја потврдиле поддршката на напорите на специјалниот пратеник на ОН Штефан де Мистура, за организирање преговори меѓу сириската влада и опозицијата со цел постигнување политичко решение.