Средба Џафери - Давутоглу
Претседателот на Собранието на Република Македонија Талат Џафери денеска оствари средба со поранешниот претседател на 62, 63 и 64-та Влада на Република Турција и пратеник од Конја, Ахмет Давутоглу.
Како што соопштија од собраниската служба за информирање, од двете страни било изразено огромно задоволство од севкупните македонско-турски политички односи кои, како што посочиле, се на највисоко моќно ниво и се во духот на традиционалното пријателство, меѓусебното разбирање, толеранција и активна соработка.
Соговорниците нагласиле дека веќе воспоставените и интензивни односи отвораат простор за уште поинтензивна економска соработка. Република Турција е значаен трговски партнер на Република Македонија, а соработката меѓу двете земји на сите полиња е исто така успешна, окарактеризирана со позитивен тренд и континуитет.
Соговорниците се согласиле дека покрај цврстото пријателство и плодната соработка, двете земји ги поврзуваат тесни историски и културни врски и оти дополнително, добрите и пријателски односи меѓу двете земји се пресликани и во плодната парламентарна соработка, на билатерално ниво, меѓу Собранието на Република Македонија и Големото национално собрание на Република Турција, но и на мултилатерално ниво, во рамките на меѓународните парламентарни собранија.
На средбата била изразена благодарност за доследната и конструктивна поддршка на Турција и за солидарноста со Македонија во рамките на евроатланските интеграции.
- Осврнувајќи се за нашата стратегиска определба, Џафери нагласи дека особено е важна отворената и силна поддршка на Република Турција за интеграција на Република Македонија во НАТО, како и принципиелните ставови на Република Турција во однос на употребата на уставното име на нашата земја, се вели во соопштението од македонското Собрание.
Соговорниците изразиле и надеж дека добрата соработка меѓу двете земји ќе продолжи и понатаму.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок