Средба Димитров - Сејлс на Самитот на НАТО во Брисел
Шефот на дипломатијата Никола Димитров, кој е дел од македонската владина делегација предводена од премиерот Зоран Заев на Самитот на НАТО во Брисел, денеска оствари билатерална средба со Координаторот во Стејт Департментот на САД за борба против тероризмот, Натан Сејлс.
Како што соопшти МНР, на средбата двајцата меѓусебно се информирале за меѓународните активности и поддршката која Република Македонија ја дава на Глобалната коалиција за борба против тероризмот.
- Во оваа прилика министерот Димитров, информираше за преземените национални активности во подготовката на општеството за справување со овие предизвици, акцентирајќи ја, пред се, важноста за превенција од ваквите закани, водејќи притоа посебна грижа за младите луѓе како најранлива категорија во општеството, преку активно вклучување на граѓанскиот сектор, невладините организации, како и едукативно-образовните институции во државата, стои во соопштението.
На покана на организаторите, Димитров ќе учествува и на настанот што ќе се одржи во седиштето на Алијансата „НАТО Engages” – Дијалог од Бриселскиот самит, во организација на Атлантскиот совет и Германскиот Маршалов Фонд на САД, Минхенската безбедносна конференција, како и Бриселската фондација „Жените во меѓународната безбедност“, каде излагање ќе има и премиерот Заев.
Фокусот на излагањата и дискусиите на настанот ќе бидат посветени на повеќе актуелни теми од глобалните политички и безбедносни соработки, новите безбедносни предизвици и улогата и активностите на Алијансата во тие процеси, се додава во соопштението.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово