Средба Димитров - Перкс
Министерот за надворешни работи на Република Македонија Никола Димитров се сретна со новоназначениот претставник на УНИЦЕФ Бенџамин Перкс.
Како што соопшти МНР, министерот Димитров изразил благодарност за континуираната поддршка на УНИЦЕФ на планот на промоција и заштита на правата на детето во Република Македонија, со фокус на најмаргинализираните: децата Роми, децата со попреченост и децата жртви на насилство и злоупотреба.
Соговорниците, како што се наведува во соопштението од МНР, високо ја оценија досегашната соработка, а во тој контекст беше нагласена и важноста од натамошно успешно спроведување на Заедничката програма за државата 2016-2020.
Перкс ја изразил неговата заложба за продлабочување на соработката меѓу УНИЦЕФ и Владата на Република Македонија во насока на натамошен напредок во спроведувањето на Конвенцијата за правата на детето, како и Конвенцијата за правата на лицата со попреченост.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација