Србија покрена обвинение против поранешни полицајци од Република Српска за воени злосторства во Сребреница
Српското обвинителство за воени злосторства покрена денеска обвинение против 8 поранешни вработени во центарот за обука „Јахорина“, на специјалната бригада на полицијата на Република Српска за воени злосторства врз цивилно население во Сребреница, јави Танјуг.
Поранешните полицајци се обвинети дека на 14 јули 1995 година организирале и учествувале лично во егзекуција на стотици босански муслимани во селото Кравице, во близина на Сребреница. Од жртвите убиени во Кравице, досега се идентификувани останките на над 1.300 цивили муслимани, закопани во неколку масовни гробници.
Српскиот обвинител за воени злосторства Владимир Вукчевиќ денеска изјави дека обвинението го покажува односот на Србија кон најжестокото воено злосторство во Европа по Втората светска војна, нагласувајќи дека ниту еден воен злосторник и ниту една жртва нема да бидат заборавени.
- Делото е пример за исклучително добра регионална соработка на српското обвинителство за воени злосторства со обвинителството на Босна и Херцеговина и на српското министерство за внатрешни работи со полицијата на БиХ, изјави Вукчевиќ за Танјуг.
На 11 јули годинава беа одбележани 20 години од масакрот во Сребреница, извршен од босански Срби, во кој беа убиени над 8.000 муслимански мажи и момчиња. Масакрот во Сребреница е признат од Меѓународниот трибунал и Меѓународниот суд во Хаг за геноцид
Ново на Сител
-
Вработените во културните институции преку протести си ја бараат изработената плата и покачувањето кое им следува
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците