Балкан
17. February 2021 - 14:27

Србија донира вакцини и за Црна Гора - Денеска ќе им пристигнат првите 2.000 дози

Првиот контингент вакцини, донации од Србија, пристигнува денес во Црна Гора.

Според најавите на министерот за здравство, Јелена Боровиниќ Бојовиќ, 2.000 дози од руската вакцина Спутник V, кои беа обезбедени во договор со Србија, ќе пристигнат со авион на аеродромот во Подгорица.

Во наредните денови се очекуваат уште 2.000 дози.

Вакцинацијата сè уште не е започната во Црна Гора, а Владата ја обвинува претходната влада за доцнењето.

Сепак, владата ја одби донацијата на бизнисменот Петрос Статис, кој понуди 10.000 кинески вакцини на Синофарм, како и на Олег Дерипаска, кој понуди 100.000 руски Спутник В.

Објаснувањето на Владата беше дека вакцините се договараат само на државно ниво и дека Светската здравствена организација не знае за можноста за донации.