Македонија
16. јуни 2016 - 21:22

Спроведено гласањето за избор на четири членови на Советот на јавни обвинители

Изборната Комисија при Советот на јавните обвинители на Република Македонија во состав Сашо Василевски, претседател, и Арбер Исаку и Љубомир Јовески, членови, денеска го спроведе гласањето за избор на четири членови на Советот на јавните обвинители на Република Македонија.
 
За член на Советот на јавните обвинители на Република Македонија од општата листа на кандидати од подрачјето на Вишото јавно обвинителство Битола, Изборно место бр.1, беше избран Петар Аневски, јавен обвинител во Основното јавно обвинителство Битола и сегашен претседател на Советот.
 
Од општата листа за кандидати од подрачјето на Вишото јавно обвинителство Гостивар, Избирачко место бр.2, за член на Советот на јавните обвинители на Република Македонија беше избрана Деса Пауновска, јавен обвинител во Вишото јавно обвинителство Гостивар.
 
Од единствената посебна листа на кандидати на јавните обвинители припадници на сите заедници кои не се мнозинство во Република Македонија за целата територија на Република Македонија, беше избран Коле Штерјев, јавен обвинител во Вишото јавно обвинителство Скопје.
 
За општата листа на кандидати од подрачјето на Вишото јавно обвинителство Скопје изборно место бр.3, резултатите, по 26 гласа добија Фиданка Рајевска, јавен обвинител во Вишото јавно обвинителство Скопје и Елизабета Павловска, јавен обвинител во Основното јавно обвинителство Скопје, додека кандидатите Миле Мојсовски, јавен обвинител во Основното јавно обвинителство Скопје и сегашен член на Советот доби 16 гласа, Љубинка Угриновска, јавен обвинител во Основното јавно обвинителство Скопје доби девет гласови.
 
Согласно одредбите од Законот за Советот на јавните обвинители на Република Македонија, во рок од седум дена ќе има повторно гласање на кандидатите кои добија најмногу гласови.