Спречен шверц на 992 килограми марихуана од Албанија кон Италија

Албанската полиција во соработка со Гуарда ди финанса и Фронтекс спречи шверц на околу еден тон марихуана.

– Во акцијата „Сири” (око) која беше реализирана од копно, вода и од воздух, беа ангажирани 250 полициски службеници. Запленети се 992 килограми марихуана, три моторни чамци, две патнички моторни возила и неколку мобилни телефони. Голема помош во акцијата даде италијанската полиција со навремените информации за движењето на чамците кои беа пресретнати во морските води, информираше албанската полиција.

Во меѓувреме медиумите јавија дека во две одделни акции грчката полиција запленила 377 килограми марихуана во пограничната зона со Албанија од каде била прошверцувана дрогата.