Спречен пожар во близина на станица за гас во Кочани
Пожарникарите од Територијалната противпожарна единица од Кочани успешно локализираа пожар од поголеми размери што избувна во непосредна близина на станица за точење гас на влезот во градот.
Огнот од запалените стрништа зафатил површина од околу два хектари, а силниот ветер го префрлил на десетина метри од трите цистерни полни со ТНГ гас. Поради густиот чад и огнот отежнато се одвиваше и сообраќајот на магистралниот пат А3, на релацијата Штип – Делчево.
-Интервенцијата траеше повеќе од два часа, при што ангажиравме екипи со две возила и осум пожарникари екипи, кои со брзата реакција и присебноста спречија катастрофа од поголеми размери. И покрај неповолните временски услови пожарот беше ставен под контрола, а се направи и дополнително обезбедување на местото за да се спречи повторно разгорување и загрозување на локацијата, истакна Благој Паунов, командир на ТППЕ – Кочани.
Случајот е пријавен кај надлежните инспекторски служби, а по направениот увид ќе биде поднесена соодветна пријава против предизвикувачот на пожарот.
Од ТППЕ – Кочани информираа дека само во текот на изминатиот викенд имале над 20 интервенции за гаснење оган од запалени стрништа и кај неисправна инсталација за одвод.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари