Според очевидците, жена без дозвола го прегазила детето во Ѓорче Петров
Автомобилот „опел астра“, со кој во неделата бил прегазен десетгодишникот на улицата Борис Сарафов во Ѓорче Петров, го управувала жена без возачка дозвола, а по несреќата на нејзиното место седнал сопругот-полицаец, дознава „Нетпрес“. Според очевидци на несреќата, затоа ниту сообраќајците не го направиле увидот според правилата за да го заштитат колегата. Сопружниците наводно го преместиле автомобилот од местото каде што се случила сообраќајката, што е спротивно на Законот за безбедност во сообраќајот, па и полицајците на увид вршеле мерења на погрешно место, што предизвикало револт кај очевидците. Дознаваме дека во меѓувреме биле сменети браниците на возилото.
Според последните информации, здравствената состојба на прегазеното дете е подобра, но се чека да се извршат нови испитувања за да се утврди понатамошното лекување. Родителите на детето, велат нивни блиски, подготвуваат тужба за учесниците во сообраќајката, но и против институциите за неправилно водена истрага и увид.
Жителите на Ѓорче Петров, иако во помал број од вообичаеното, и денеска се собраа на мирен протест на улицата Борис Сарафов пред Основното училиште „Мирче Ацев“ со цел да се зголеми безбедноста и спречат несреќите на улицата.
Во меѓувреме се поставени неколку заштитни столбчиња на тротоарите покрај училиштето, но граѓаните остануваат на барањето да се постават легнати полицајци и да има постојана полициска контрола.
-Советот на родители на денешниот состанок формираше тим и донесовме одлука да побараме официјална средба со градоначалникот на Општината Александар Наумовски, скопскиот градоначалник, Петре Шилегов и одговорен во МВР да разговараме за комплетни решенија, а не само еден семафор- рекоа од Советот.
Блокадите на улицата продолжуваат и понатаму.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп