СПМ: Стојчевска Костадиновска да се повлече од функцијата
Социјалистичката партија на Македонија изразува загриженост по скандалозната изјава на Бисера Костадиновска-Стојчевска, ресорен министер за култура. Дотолку повеќе што неодмерените зборови на г-ѓата министерка всушност се одраз на реалната ментална состојба во која се наоѓа Владата и СДСМ како последица од неразумното превземање обврски од потпишаниот Протокол, условен од страна на источниот сосед.
Изјавите со директна закана за цензурирање на слободната творечка мисла, изречениот збор и било која уметничка креација само претставуваат рефлексија на сериозно програмски и идеолошки потклекнатата владеачка партија, подеднакво и на нејзината незаинтересираност и апатриден однос кон суштинските национални прашања.
Непоимливо е, длабоко навлезени во дваесет и првиот Век од позиција на власт, а во СДСМ сватена како сила и моќ, било кому да му се наложува начин на креативност, односно да му се ограничува и забранува слободното творење, особено не на културните дејци и уметници.
Ова е уште една потврда за воспоставениот хибриден режим во Република Македонија кој со досегашното однесување на членовите на Владата и нивните изјави се претвора во диктатура врз народот. Впрочем, секоја нелегитимна влада самата по себе претставува системско наметнување на ограничувања врз граѓаните, кои постепено се остваруваат и со репресивни средства за кои во изминатиот период бевме сведоци дека навистина и се применуваат, сè до очигледното физичко насилство и терор.
Социјалистичката партија на Македонија смета дека со досегашното незадоволително работење и со скромното или воопшто непостоечко познавање за делокругот на овластувањата и обврските на институцијата со која раководи г-ѓата Бисера Стојчевска Костадиновска, е препорачливо самата да се повлече од Министерството за култура.
Во спротивно, доколку премиерот чувствува елементарна одговорност е должен да ја разреши.
Социјалистичката партија на Македонија воедно укажува на дополнителните елементи кои би ја теретеле министерката, а се однесуваат на лекомислено дадените согласности за отстапки од нејзиниот ресор, како дел од Протоколот и кои всушност претставуваат нејзин мотив во неразумната изјава.
СПМ
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица