СПМ: Неминовно одржување на изборите на 24 април
Социјалистичката партија на Македонија смета дека од политички, економски, безбедносни и национални причини неминовно е изборите да се одржат 24 април.
- Состојбите се многу сложени, владее голема неодговорност, без чувство за националното достоинство, патриотизам и љубов кон Татковината. Ова е став на сите органи и тела во Социјалистичката партија на Македонија, велат од СПМ.
Партијата укажува дека во Собранието на Република Македонија е донесен Изборниот законик во кој, како и во Пржинскиот договор, кој, како што наведуваат, е наметнат и го сметаат за непотребен, е дефиниран 24 април како ден за одржување на предвремените парламентарни избори.
- Оттаму, никој друг освен институциите на државата не може да одлучува за одржување на изборите. Став на Социјалистичката партија на Македонија е строго почитување на законите и Уставот, а изборите да се одржат на предвидениот ден, се вели во партиското соопштение.
Според партијата, се исполнети сите услови за нормални одржување на демократски и веродостојни избори.
Од СПМ оценуваат дека исто така странците не треба да се мешаат во внатрешните работи на државата. - Затоа, бараме веднаш да се престане со оваа пракса и оние кои што делуваат надвор од прокламираните норми на однесување веднаш да бидат прогласени за персона нон грата и да бидат протерани од државата, наведува СПМ.
Ново на Сител
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе