Спасовски: Шест години од катастрофалните поплави, се присетуваме на солидарноста и херојството од страна на граѓаните
– Денеска се навршуваат шест години од катастрофалните поплави што ги погодија Стајковци, Смилковци, Синѓелиќ и Арачиново, при што животот го загубија 22 наши сограѓани, а беше предизвикана огромна материјална штета, објави министерот за внатрешни работи Оливер Спасовски на Фејсбук.
– Се присетуваме на солидарноста и херојството од страна на граѓаните од целата држава, но не може, а да не се присетиме и на причините кои доведоа до ваквите последици – незаинтересираноста на тогашната власт за современа инфраструктура и безбедност на граѓаните, напиша Спасовски.
Можам со задоволство да кажам дека, подвлекува министерот Спасовски, денес сликата е поинаква, вложивме многу, а придобивките се евидентни за овие скопски места – отворена канцеларија за превенција, асфалтирани улици, чисти речни корита, нова водоводна мрежа, нова градинка во селото Стајковци.
– Рамномерниот регионален развој и инвестирање во локалната инфраструктура се влог за безбедноста на граѓаните!
Никогаш да не се заборави и никогаш да не се повтори ваква трагедија!, напиша на фејсбук Спасовски.
Ново на Сител
-
Таткото на Вања повторно бара слобода од Врховниот суд
-
Тошковски: Мирен изборен ден
-
Преглед на вести од светот
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето