Спасовски: Голема мигрантска криза нема, но имаме зголемување на обиди за илегален премин
Голема мигрантска криза како изминатите години нема повеќе ниту во Македонија, ниту во регионот, но за сметка на тоа е зголемена илегалната миграција. Споредено со минатата година и оваа имаме зголемување на обидите за илегален премин на границата на Република Македонија со Грција, изјави денеска министерот за внатрешни работи Оливер Спасовски.
Посочи дека се појавил и обратен правец на миграција од Србија во Македонија, првенствено на државјани од Иран.
– Србија во тој момент дозволи визна либерализација за државјаните на Иран. После легалното доаѓање во Србија тие преминуваа или се обидуваа да преминуваат на територија на Република Македонија. Благодарение на контактите и комуникациите, таа визна либерализација е укината и веќе се стопирани илегалните преминувања, изјави Спасовски.
Во последните две недели, нагласи Спасовски, веќе имаме драстичен пад на обидите за илегално преминување на границата.
– Македонската полиција работи заедно со полициски службеници од другите партнерски држави, коишто работат на обезбедувањето на македонско-грчката граница, а имаме формирано и посебни сили коишто ќе работат на спречување на илегалната миграција и трговија со луѓе. Тие започнаа со работа во сите региони на Македонија и веќе имаме конкретни акции спроведени врз основа на оваа стратегија, изјави Спасовски.
Нагласи дека миграцијата ќе биде еден од перманентните проблеми не само за Македонија, туку и за регионот, а заедно со тероризмот и сајбер безбедноста се следните предизвици на глобално ниво.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово