Фудбал
13. April 2019 - 19:44

Спал со сензационална победа против Јувентус

СПАЛ, со пресврт, ги победи Јувентус 2:1 и ја одложи прославата во Торино. Јувентус повеќе немаат шанси да постават нов апсолутен рекорд, генерацијата на „сатрата дама“ што ја предводеше Антонио Конте ќе остане рекордер со 102 бода во една сезона.

Тинејџерската ѕвезда, Мојзе Кен во 30 минута го постигна првиот гол на натпреварот. Комбинираниот тим на Јувентус со минимална предност замина на полувреме, а во вториот дел, во 49 минута резултатот го израмни Бонифази.

Вториот пораз на Јувентус оваа сезона му го нанесе Флокари со голот постигнат во 74 минута.

СПАЛ ја забележаа четвртата победа на последните пет натпревари и со 35 бода се на 13 место, додека Јувентус се сигурни на врвот со 84 бода, 20 повеќе од Наполи.