СП 2019 - Раул: Ако и следниот дуел биде како претходниот ќе бидам задоволен
Македонската ракометна репрезентација во релаксирана атмосфера го имаше денешниот тренинг во Олимпијахале, каде вчера во првиот дуел од СП во групата Б во Минхен ја совладавме Јапонија со 38:29. Но, следниот чекор на Мундијалот е нов предизвик селекцијата на Бахреин, која вчера на отворањето загуби од европскиот првак Шпанија со 33:23.
Пред тренингот во изјава со македонските новинари селекторот Раул Гонзалез истакна:
- Совладана е Јапонија, а Бахреин ни е следниот противник. Имаат ист начин на игра затоа треба добро да се подготвиме и да имаме ист пристап како на дуелот со Јапонија. Ако имаме шанса, ќе имаме и успех. Мислам дека против Шпанија, Бахреин играше добро и во еден момент во вториот дел имаат негатива од три разлика и тоа против европскиот шампион, а Бахреин имаше и шанса и да намали и на два разлика. Затоа треба да имаме многу почит и не треба да се опуштиме. Ние цел натпревар го игравме одговорно со Јапонија, треба да внимаваме и на разликата особено кога се игра во група. Ако е потребно ние сега имаме и добра гол разлика. Ние ќе се подготвиме ќе играат најдобрите и ќе одиме чекор по чекор и треба да бидеме фокусирани на победа. Играта на Бахреин е различна од таа на Јапонија впрочем и различен тип на играчи се. Ако разликата и на следниот дуел биде истата како вчера јас ќе бидам задоволен.
Дуелот Македонија - Бахреин се игра утре (недела) со почеток во 14 часот.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април