Ракомет
16. January 2019 - 22:44

СП 2019 - Митревски: Бев оставен како на „стрелба“ во вториот дел

Најдобар поединец во нашиот состав беше голманот Никола Митревски, кој дуелот со европскиот првак Шпанија го заврши со 13 одбрани, а 11 во првиот дел и тоа со одличен почеток.
По дуелот Митревски изјави:
- Почнавме добро и добро се носевме со европскиот првак дури и водевме. Шпанија беше немоќна на нашиот напад „7 на 6“, но, имавме пак нереализирани шанси. Навистина не знам што се случи на почетокот на вториот дел кога противникот  со три контри се одлепи резултатски. Потоа во игра влегоа и помладите, но нивниот ангажман како да не беше на висината и јас бев едноставно оставен како на „стрелба“. Како и да е за нас утрешниот дуел со Исланд е како финале.