Ракомет
20. January 2019 - 14:34

СП 2019: Македонија со победа над Чиле завршува на 15.место

Македонската ракометна репрезентација го освои 15.место на СП во Германија и Данска. Со тоа нашите ракометари го повторија пласманот од претходниот шампионат. Во дуелот за 15.место денеска во Келн, во Ланксес Арена Македонија ја победи селекцијата на Чиле со 32:30 (16:16). 

Во еден изедначен натпревар без многу мотиви за игра во одбрана Македонија заслужено стигна до триумфот и со победа се завршува овој шампионат. По изедначеното прво полувреме на почетокот од вториот дел Македонија поведе со 21:18, а потоа противникот направи серија од 8-3 и поведе со 26:24. Во тие моменти селекторот Раул Гонзалез во нападот ја врати формацијата „7 на 6“ и направивме серија од 4-0 за ново водство.  Во оваа серија капитенот Лазаров постигна три голови, а голманот Митревски имаше три интревенции. До крајот серијата голови ја продолжи Манасков со четири од последните пет голови.
Најефикасен кај нас беше Кирил Лазаров со 9 голови, Манасоков постигна 8, а Никола Митревски имаше 10 одбрани, а вториот голман Дасколовски одбрани два пенала. Кај Чиле најефикасен беше Ервин Фојхман со 9 голови.