Советот на Општина Центар ќе одлучува по барањата на пазарџиите на Зелен пазар
Барањата на пазарџиите на Зелен Пазар ќе ги разгледа Советот на Општина Центар на наредна седница, а ќе ги достави градоначалникот на Општината Саша Богдановиќ. Ова е резултат од вчерашната средба на градоначалникот Богдановиќ и директорот на ЈП Паркинзи на Општина Центар, Васко Кичевски, со пазарџиите од „Зелен Пазар“.
На состанокот, како што соопштија од Општина Центар, присуствуваа претставници од трговците кои на градоначалникот и директорот им ги соопштија проблемите со кои се соочуваат со нелегалните продавачи на стока и роба на паркингот со кој стопанисува ЈП Паркинзи на Општина Центар, како и со новите измени во поскапување на цените за паркирање на територијата на Општина Центар.
Преку аргументирани забелешки, се додава во соопштението, двете страни постигнаа договор за надминување на разликите, кои изминатиов период манифестираа со неколкудневен штрајк од страна на пазарџиите на „Зелен Пазар.“
-Приоритет ни се граѓаните кои живеат тука. Подготвени сме да најдеме решение и не сакаме никого да оштетиме, туку напротив, сакаме да воведеме ред. Доставете ги писмено вашите барања во архивата на Општината, како би можел да ги разгледам и да ги предложам на следната седница на Совет на Општина Центар, изјави градоначалникот.
Богдановиќ потенцира дека ќе ги предложи барањата на пазарџиите на наредната седница на Советот на Општина Центар, каде за нивните барања ќе одлучуваат советниците на Општина Центар.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово