Совет за етика во медиумите: Да се почитуваат принципите на професионално информирање
Советот за етика во медиумите ги повикува новинарите и уредниците на одредени медиуми да ги отстранат практиките на, како што наведува, непрофесионално известување и да се стремат кон професионално информирање и заштита на професијата преку исклучиво служење на интересот на јавноста.
- Наместо да биде заведувано од изворите на информации, вознемирувано од носителите на моќта или компромитирано од личните интереси, повикуваме новинарството да и служи на јавноста низ чесно, коректно и одговорно информирање. Служењето на јавноста не подразбира пласирање полувистини, свесно пропуштање важни теми и прашања и изнесување лажни тврдења заради морална тортура врз поединци, групи или институции. Едностраното информирање и погрешните информации треба да бидат отстранети, а грешките поправени, наведува Советот.
Во Советот за етика веќе се добиени педесетина реакции и жалби за прекршување на Повелбата и Кодексот на новинарите во медиумите, а меѓу нив се и медиуми - потписници на Повелбата.
- Новинарите и уредниците ги потсетуваме да ги почитуваат и применуваат принципите за професионално известување што се содржани во Повелбата за етичко известување, која ја потпишаа најголем дел од медиумите во државата, стои во соопштението од Советот.
Советот за етика во медиумите потсетува дека процесот на прифаќање и потпишување на Повелбата се уште е отворен и ги поканува оние кои досега не се приклучија на оваа иницијатива да го направат тоа во име на потребата од заедничко ангажирање околу создавањето независно новинарство во државата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово