Балкан
1. December 2017 - 18:56

Состојбата со поплавите во Албанија и натаму алармантна

Припадници на албанската полиција, армијата и територијалните протвпожарни единици се распоредени на целата територија на Албанија за да им помогнат на жителите погодени од поплавите.

Албанија поплави

Состојбата со поплавите е најкритична во јужниот дел на земјата, на подрачјето на Саранда, Фуш Круја, Ѓирокастро и Фиер. Во ова подрачје во текот на денот престојуваа албанскиот премиер Еди Рама и министерката за одбрана Олта Џачка, со цел непосредно да се запознаат со состојбата и проблемите.

Албанија поплави

Поради постојаното зголемување на дотекот на реката Вјоса и опасноста која им се заканува, во тек е евакуација на повеќе од 3.000 жители од четири села во регионот, во што се вклучени и армиски хеликоптери. Евакуираните ќе бидат сместени во Спортскиот дом, на стадионот и во индустриското училиште во Валона.

Албанија поплави

Стотици луѓе се евакурани и од централниот дел на земјата, каде се поплавени илјадници хектари земјоделски површини, а без електрична енергија се над 70 илјади домаќинства. Поплавени се и со стотици куќи, а најмалку 20 се уништени. Урнати се и најмалку три мостови.

Албанија поплави

Албанската Влада упати апел до граѓаните строго да ги почитуваат препораките што ги издаваат надлежните органи, бидејќи се очекува зголемување на нивото и на реките Семан и Шкумбин.

Албанија поплави

Немирното море услови прекин на поморскиот сообраќај и веќе два дена не сообраќаат траектите од албанските кон италјанските пристанишни градови и обратно.

Автопатот Тирана-Драч се уште е блокиран, а од попладнево е нормализран воздушнот сообраќај на аеродромот „Ринаси“ во албанскиот главен град.