Сообраќајот пред Собранието нормализиран, граѓаните се повлекоа во Жена парк
Булеварот „11 Октомври“ е пуштен за сообраќај, откако претходно беше затворен поради протестите на граѓаните пред Собранието против ратификацијата на договорот со Грција за решавање на спорот за името.
Дел од граѓаните, кои учествуваа во протестите се разотидоа, а дел се повлекоа во паркот Жена борец.
Околу стотина граѓани се собраа денеска пред законодавниот дом, додека траеше седницата, на која пратениците ја потврдија потребата по итна постапка да се ратификува договор со Грција за името. Протестите минаа мирно и без инциденти.
Граѓаните пред Парламентот, побараа оставка од Владата и во знак на револт запалија копија од договорот со Грција, пеејќи ја истовремено македонската химна и песната „Едно име имаме“.
- Нема да дозволиме да помине овој договор, извикуваа незадоволните граѓани. Тие воедно ја повикаа ВМРО-ДПМНЕ да излезе од Собранието и да не го поддржи Преспанскиот документ.
Според граѓаните кои протестираат пред Собранието, референдум воопшто не треба да има.
Дел од граѓаните, кои протестираа пред Собранието се упатија пред седиштето на ВМРО-ДПМНЕ и бараа средба со партискиот лидер Христијан Мицкоски.
Ново на Сител
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс
-
Силјановска Давкова победи во 60 општини, Пендаровски во 3, Османи во 15, Таравари и Димитриевски во по една
-
Силјановска Давкова и Пендаровски во вториот круг претседателски избори