Сообраќајот без забрани, по влажни коловози

Сообраќајот на државните патишта се одвива тековно по претежно влажни коловози, слаб снег врне во Крива Паланка, Страцин, Делчево и Маврово, а во цела Македонија дува засилен северен ветер, информира „Македонија пат“.

Во клисурите и усеците можна е појава на помали одрони, особено на патните правци Кочани – Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија – Удово, Катланово - Велес, Крушево - Демир Хисар и Ресен - Буково.

„Македонија пат“ апелира на внимателно возење и прилагодување на брзината  спрема условите на патот.