Сообраќајни казни за 775 лица во тетовско во јуни

Во текот на јуни тетовската полиција контролирала 4.009 возила, при што казни имало изречено за 775 прекршоци. Поради констатирани различни видови прекршоци, согласно Законот за безбедност на сообраќајот на патиштата и Законот за возила, од сообраќај биле исклучени 76 возила, сите со истечена регистрација до и над 30 дена.

-Откриените сообраќајни прекршоци во јуни, заокружени се со 352 прекршочни, 62 мандатни плaтни налози и 362 писмени опомени, додека времено биле одземени 18 возачки и 48 сообраќајни дозволи. Во јуни вкупно биле подигнати и 196 погрешно, односно непрописно паркирани возила, информира портпаролот на СВР Тетово, Марјан Јосифоски.

Во текот на јуни годинава, исто така, од сообраќај биле исклучени и 169 возачи, од кои 123 поради тоа што управувале возило без возачка дозвола, шест кои биле под дејство на алкохол, 19 возачи-почетници, седум со важечка забрана за управување и 11 со несоодветна категорија.