Сообраќајка на патот Крива Паланка - Деве Баир, тешко повредено едно лице

Вчера во 16.05 часот било пријавено дека на пат Крива Паланка - Деве Баир, во близина на место викано „Бегови бавчи“, се случила сообраќајна незгода помеѓу патничко возило „пежо 407“, со струмички регистарски ознаки, управувано од А.Д.(27) од Крива Паланка и патничко возило „фолксваген пасат“, со кумановски регистарски ознаки, управувано од С.П.(23) од Крива Паланка.

Во незгодата, со тешки телесни повреди се здобила С.П., констатирани во Здравствениот дом Крива Паланка, каде била пренесена за укажување на лекарска помош.

Извршен бил увид на местото на настанот од увидна екипа од Полициската станица Крива Паланка, стои во соопштението од МВР.