Солунскиот градоначалник Бутарис во Охрид на Школата за млади лидери

Солунскиот градоначалник Јанис Бутарис денеска во Охрид ќе одржи говор пред учесниците на Школата за млади лидери , проект на македонскиот претседател Ѓорѓе Иванов.

Грчките медиуми, повикувајќи се на државната новинска агенција, јавуваат дека Бутарис ќе говори за своите искуства во неговиот политички и професионален развој.

Солунскиот градоначалник ќе присуствува и на вечера што ќе ја организира претседателот Иванов, а потоа тие двајца ќе имаат и приватна средба.

„Бутарис и Иванов одржуваат одлични односи, а општината Солун брзо одговори и на апелот на македонскиот претседател за хуманитарна помош за луѓето погодени во неодамнешните поплави во Скопје и Тетово“, потенцираат грчките медиуми.