Согласно законот тече гласaњето во Штип

Започна референдумското изјаснување. Денеска гласаат болните и инвалидизирани лица во домашни услови. Во Штип своето право на глас на овој начин се пријавиле да го искористат 29 граѓани. 81 годишната Маре Станкова, за прв пат гласа дома, поради тоа што има здравствени проблеми.

- Среќен ден е, баш среќен ден. Сакав да гласам, имав голем мерак и дојдоа дома да гласам- изјави МАРЕ СТАНОВА, ЖИТЕЛ НА ШТИП

Се гласаше и во Казнено поправниот дом – Штип, каде право на глас имаат 206 осуденици на издржување на казна затвор. Од нив 42%  до 11 часот излегле и гласале на избирачкото место.

- Гласањето во КПД-Штип се одвива според законските прописи и укажувањата на ДИК. 87 гласачи имаат излезено. Нема никакви проблеми и гласањето се одвива во ред, изјави ВЛАТКО КОНЕВ, ЗАМЕНИК ПРЕТСЕДАТЕЛ НА ИЗБИРАЧКО МЕСТО ВО ЗАТВОР-ШТИП

Од утринава избирачките одбори започнаа со подготовките, односно уредување на гласачките места за претстојниот референдумски ден.

- Целиот изборен материјал го подигнавме од општинската изборна комисија-изјави САШКО КОРУНОВСКИ, ПРЕТСЕДАТЕЛ НА ИЗБИРАЧКИ ОДБОР

Во Штип ќе се гласа на 77 избирачки места, а вкупниот електорат го чинат 41, 854 гласачи.