Живот
26. March 2019 - 13:43

Софи Тарнер го открила крајот на „Игра на тронови“

Софи Тарнер пред свои пријатели го открила крајот на „Игра на тронови“, па сега, очекувано, се соочува со проблем на социјалните мрежи кој може да значи и крај за нејзината актерска кариера, ако тоа ѝ се испушти пред уште некого.

Имено, глумицата која го толкува ликот на Санса, во едно неодамнешно интервју призна дека просто не знае да чува тајни, дека нејзини блиски пријатели веќе го знаат крајот, па сега е под голем притисок од дел од своите обожаватели, кои немаат трпение да дочекаат да го погледнат продолжението, како и од оние што не сакаат да го дознаат предвреме. Но, таа вели дека тоа не ја допира многу.

– Всушност, им кажав само на двајца луѓе. Тоа не е многу. Она што го говорам, секогаш ќе има негативен одзвук. Не сум изненадена, изјави таа.

Последната осма сезона од ТВ серијата ќе почне да се прикажува на 14 април.