Сочувство од Димитриев до италијанскиот премиер Ренци за настраданите од земјотресот
Претседателот на Владата на Република Македонија, Емил Димитриев упати телеграма со сочувство до италијанскиот премиер Матео Ренци за настраданите во силниот земјотрес што го погоди централниот дел на Република Италија.
- Со длабока вознемиреност и жалење ја примив потресната вест за силниот земјотрес што го погоди централниот дел на Вашата држава, од кој животите ги изгубија голем број на Ваши граѓани, а уште повеќе се повредени или останати без своите домови. Во овие исклучително тажни моменти за Вас, за граѓаните на Вашата земја и семејствата на загинатите и повредените граѓани, дозволете ми од името на Владата на Република Македонија и од мое лично име, да Ви упатам изрази на искрено сочувство, Вам и на семејствата на трагично настраданите, вели Димитриев во телеграмата.
Македонските граѓани, посочува тој, во повеќе наврати имаат претрпено човечки загуби и штети како резултат на природни катастрофи и затоа секој граѓанин на Република Македонија е свесен за трагедијата низ која поминува вашиот народ и искрено сочувствува со граѓаните на Вашата држава.
- Длабоко сум уверен дека меѓународната хуманост и солидарност, што многу пати досега се демонстрирани на дело, и сега ќе помогнат во ублажување на страдањата и последиците од оваа голема несреќа која и се случи на вашата држава, се вели во телеграмата на Димитриев до италијанскиот премиер Ренци.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО