Македонија
14. December 2019 - 15:34

Собраниската служба се вклучи во акцијата „Администрацијата чисти со Не биди ѓубре“

Вработените во Собранието денеска масовно се вклучија во акцијата „Администрацијата чисти со Не биди ѓубре“.

Како што соопштија од Собранието. тие го чистеле просторот околу собраниската зграда, како и делот кај Домот на АРМ и улицата „Даме Груев“.

Отпадот што беше собран, вработените во Собранието го селектирале на пластичен и на друг отпад во посебни ќеси за смет.

Во соработка со екипите од градските јавни претпријатија, како и соодветните стручни служби сметот што бил собран бил дистрибуиран на соодветни локации.

Акцијата „Администрацијата чисти со Не биди ѓубре“ е организирана заедно со граѓанскотото здружение „Не биди ѓубре“, а е помогната и од канцеларијата на ЕУ во Скопје и амбасадорот Самуел Жбогар.

Нејзина основна цел, покрај тоа што ќе се исчистат определените локации, е пред се подигнувањето на свеста кај граѓаните.