Собраниската Комисија за надворешна политика ќе биде дополнително закажана
Собраниската Комисија за надворешна политика не ја одржа денешната седница. Одложување побара Артан Груби од ДУИ откако реагираше дека материјалите на албански јазик не биле доставени навреме.
Груби, како што рече, преводите за дневниот ред ги добил вчера, а не пет дена пред одржувањето на седницата како што е предвидено со Деловникот.
На седницата не присуствуваше министерот за надворешни работи Никола Попоски кој требаше да има експозе. Како што информира потпретседателката на Комисијата Светлана Карапетрова од ВМРО-ДПМНЕ, Попоски беше отсутен поради службени обврски.
На дневен ред на седницата, покрај излагањето на Попоски, беше и Предлог-законот за ратификација на Договорот меѓу македонската Влада и Владата на Кралството Данска за поттикнување и заемна заштита на инвестиции.
Седницата, рече Карапетрова, ќе биде дополнително закажана откако ќе бидат обезбедени услови за нејзино одржување.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто