Собраниска делегација на Интерпарламентарна конференција во Брисел
Делегација на Собранието на Македонија денеска и утре во Брисел ќе учествува на Интерпарламентарна конференција на тема: „ЕУ законодавен процес - од законодавна иницијатива до имплементација и мониторинг", во рамките на Програмата за поддршка на парламентите од земјите на Западен Балкан и Турција, во организација на Европскиот парламент, соопшти собраниската прес-служба.
Во собраниската делегација се пратениците Бетиане Китев, Шпреса Хадри, Илија Димовски и Африм Гаши.
Во фокусот на конференцијата ќе биде ЕУ законодавниот процес, со особен акцент на улогата на парламентарните комисии како алатки за зајакнување на надзорната улога на законодавната власт наспроти извршната власт.
Исто така, ќе се разгледуваат најдобрите законодавни практики на Европскиот парламент, со цел да најдат примена во националните парламенти.
На Интерпарламентарната конференција ќе учествуваат европратеници и членови на различни комисии во рамките на Европскиот парламент, како и претставници од парламентите на земјите од Западен Балкан и Турција.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка