Собраниска делегација на Интерпарламентарна конференција во Белград
Делегација од Собранието на Република Македонија предводена од пратениците од Комисијата за земјоделство, шумарство и водостопанство, Татјана Прентовиќ, Мира Стојчевска, Реџаиљ Исмаили и Панче Минов денеска во Белград ќе учествува на семинар на тема „Инструмент за пред-пристапна помош во руралниот развој: Научени лекции и идни перспективи".
Семинарот се одржува во рамки на Интерпарламентарната конференција, во организација на Европскиот Парламент и во соработка со Народното Собрание на Република Србија.
Интерпарламентарната конференција се очекува да биде отворена од претседателот на Комисијата за европска интеграција од Народното Собрание на Република Србија, Ненад Чанак, и од пратеникот во Европскиот Парламент и претседател на Комисијата за земјоделство Чеслав Сиекиерски.
Најавени се обраќања на претседателката на Народното Собрание на Република Србија Маја Гојковиќ, министерката за европски интеграции Јадранка Јоксимовиќ и Едуард Кукан, пратеник во ЕП и член на Комисијата за надворешни работи.
На Интерпарламентарната конференција се очекува учество на помошник министерот за секторот за рурален развој Зоран Јанјатовиќ, генералениот секретар за рурален развој и животна средина (SWG) за Југо Источна Европа Бобан Илиќ, и проф. Наталија Богданов од Факултет за земјоделство - Белград.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари