Македонија
27. September 2020 - 12:40

Собранието во среда за вонредните состојби, ВМРО-ДПМНЕ има забелешки

Одлуките за вонредните состојби од март до јуни годинава на шефот на државата Стево Пендаровски на потврда пред пратениците ќе се најдат во среда. Собранискиот спикер Талат Џафери ја закажал седницата. Според уставот ваквите одлуки треба да бидат потврдени од парламентот со двотретинско мнозинство односно 80 пратенички гласа, што значи дека освен владејчакотот мнозинство ќе бидат потребни и гласовите од опозицијата.

Од СДСМ  уште минатата недела се изјаснија дека ќе ги поддржат одлуките бидејќи биле неопходни за справување на Ковид панедмијата за време на нејзниот прв бран, но и потврдија дека се уште немаат разговарано со опозцијата за обезбедување на потребното мнозинство.

Од опозициската ВМРО-ДПМНЕ пак, велат дека се уште немаат изградено став, но дека за некои одлуки за вонредни состојби на Пендаровски имаат забелешки.

Останува нејасно и дали по евентуалната потврда на одлуките за вонредна состојба, Собранието треба да ги потврди и уредбите со законска сила кои ги носеше Владата. За голем дел од нив, опозицијата реагираше уште во времето на нивното носење, особено дека не се поврзани со корона кризата.

 

Катерина Нешкова