Собранието со швајцарска помош ќе ја подобрува ефикасноста
Поефикасно и инклузивно функционирање на Собранието, целосно институционално јакнење и унапредување на неговата законодавна и надзорна функција, како и приближување до граѓаните, граѓанските организации и маргинализирани групи, има за цел Меморандумот за десетгодишна соработка меѓу Швајцарија и Македонија што го потпишаа денеска претседателот на Собранието,Талат Џафери и заменикот државен секретар за надворешни работи на Швајцарија, Кристина Марти Ланг.
- Потпишувањето на овој Меморандум е уште една потврда за напорите на раководството на Собранието во насока на зајакнување на неговата улога и капацитети, унапредување на владеење на правото и приближување до стандардите за работа и резултатите на парламентите од земјите членки на ЕУ, изјави по потпишувањето Џафери.
Додаде дека преку Меморандумот ќе биде обезбедена техничка и институционана поддршка за напорите на Собранието да носи поквалитетни закони и подобро да ги користи јавните ресурси за потребите на граѓаните.
Марти Ланг истакна дека овој Меморандум ги поставува темелите на идната соработка која е во насока на поддршка на Собранието во зајакнување на неговите капацитети.
Се надевам дека оваа соработка ќе даде клучен придонес во јакнењето на капацитетите на Собранието на Република Македонија за да се осигури дека тоа ќе ги застапува интересите на своите граѓани, истакна Ланг.
Подготвителната фаза на проектот ќе биде од 1 јули 2018 до 30 април 2019 година и вклучува донација од 350 илјади швајцарски франци, додека во следните 11,5 години вкупната донација за Собранието би била 11 милиони швајцарски франци.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’.
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина