Собранието не ја прифати интерпелацијата на Олга Најденовска
Собранието на Република Македонија доцна синоќа го отфрли предлогот за интерпелација за претседателката на собраниската Комисија за образование и наука Огла Најденовска.
За предлогот за интерпелација поднесен од опозицијата гласаа 28 пратеници, а против беа 52 пратеници.
Со интерпелацијата се бараше разрешување на Најденовска, затоа што, како што оценуваат пратениците од опозицијата, го прекршила Уставот и Деловникот на Собранието на РМ во тек на комисиската расправа за Предлог-законот за основање универзитет за национална одбрана, безбедност и мир „Дамјан Груев“ во Скопје.
Во текот на расправата опизициските пратеници и забележаа на Најденовска дека „своеволно го толкувала Деловникот на Собранието, се обидела да спроведе гласање за неколку амандмани без да даде право на предлагачите да ги образложат, а на други пратеници да дебатираат за нив“.
Според Најденовска, интерпелацијата за нејзиното работење како претседател на Комисијата за образование, наука и спорт, е неоснована, не може да се доведе во прашање нејзиното работење и нема прекршување на никакви правни норми. Таа истакна дека во ниту еден момент не било скратено времетраењето на дискусиите на ниту еден пратеник, а уште помалку било одземено правото на процедурална забелешка.
За пратениците од мнозинството, целта на пратеничката група на СДСМ е да прави блокади за да не се променат состојбите во образованието. Тие посочија дека идејата со новиот Универзитет е да се воведе конкуренција во високото образование и да има два економски, правни и медицински факултети.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца