Собранието не го изгласа Предлог-законот за амнестија
Предлог-законот за амнестија поднесен од 10.069 избирачи кој предвидува целосно ослободување на 40 проценти правосилно осудени лица за кривични дела кои се пропишани според Кривичниот Законик, денеска не доби поддршка од пратениците во Собранието на Република Македонија
Граѓанската активистка Мери Николова појасни дека амнестијата е иницирана поради потребата од заштита на човековите права во Казнено поправните домови во Македонија. Затворите, рече таа, се пренатрупани и нема основни услови за живот. Нагласи дека ефектот од новиот закон би бил 100.000 затворски денови помалку и смалување на трошоци од 120 милиони денари во Буџетот на Македонија.
Поддршка на иницијативата даде пратеничката Лилјана Поповска од ДОМ и побара преку амандманска расправа да се дефинира кој се ќе се амнестира.
Орхан Ибраими од ДПА побара политичарите да ја спроведат амнестијата бидејќи, како што рече, од 2002 година до сега, затворањето го спроведува политичката класа и полицијата.
Пратеникот Петре Шилегов од СДСМ рече дека потребата за амнестија во Македонија е побарана според условите во Казнено поправните домови, но, додаде дека СДСМ не подржува целосна амнестија односно нема да подржи амнестија на педофили, убијци...
Според Илија Димовски од ВМРО ДПМНЕ политиката, односно пратениците не смеат да одмеруваат казни, како што рече, посебно не пред избори. Апелираше да се разговара за овие прашања, но, да не се даде подршка на овој закон за амнестија.
Предлог-законот предвидуваше да се ослободат од извршување на 40 проценти од изречената казна затвор сите правосилно осудени лица за кривични дела кои се пропишани според Кривичниот Законик и други Закони на Република Македонија, а кои на денот на влегувањето во сила на овој Закон би се нашле на издржување казна затвор во Република Македонија или уште не започнале со издржување на казна затвор или се наоѓаат на уреден прекин на издржување на казна затвор или, пак, чие преместување на издржување казна затвор е извршено во странство.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење