Собранието ќе ја продолжи 130-та седница
Собранието на Република Северна Mакедонија денеска на пладне ќе ја продолжи 130-та седница, на чиј дневен ред се поголем број измени и дополнувања на закони од повеќе области.
Пратениците ќе расправаат за Дополнетиот предлог-закон за правата на заедниците кои се помалку од 20 отсто од населението во државава, во второ читање, како и за измените и дополнувањата на повеќе предлог-закони, меѓу кои Законот за безбедност и здравје при работа, Законот за забрана и спречување за вршење на нерегистрирана дејност, Законот за приватните агенции за вработување, сите по скратена постапка.
На дневен ред се и Предлог-законите за задолжување со заем кај Меѓународната банка за обнова и развој – Светска банка по Договорот за заем за финансирање на Проектот за администрирање на социјалното осигурување и по Договорот за заем за финансирање на Проектот за модернизација на земјоделството, и двата по скратена постапка.
Пратениците ќе дискутираат и за Предлог-законот за контрола на опојни дроги и психотропни супстанции, Предлог-законот за изменување на Законот за учебници за основно и средно образование, како и за Предлог-законот за изменување и дополнување на Законот за основање на Универзитет за информатички науки и технологии „Свети Апостол Павле“, сите во прво читање.
На дневен ред на оваа седница се и Предлог-законот за огласување ништовност и поништување на правни акти, дејствија, мерки и правни последици од постапките за лустрација, во прво читање, Информацијата за енормното загадување на амбиентниот воздух, поднесена од група пратеници од опозицијата, како и Предлог-законот за изменување и дополнување на Законот за заштита и благосостојба на животните, во прво читање.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор