Со прва победа сезонава Жоан Мир на чекор до шампионската титула

 

 

Шпанецот Жоан Мир е победник на денешната трка за Големата награда на Европа во Мото ГП шампионатот. 

 

Возачот на Сузики со својата прва победа сезонава е многу блиску и до освојување на шампионската титулата. 

 

Мир целната рамнина па патеката крај Валенсија ја мина прв пред тимскиот колега Алекс Ринс, а за место на пиедесталот се избори и Пол Еспаргаро на КТМ кој ја имаше пол-позицијата на стартот на трката. 

 

На две трки пред крајот на шампионатот, лидерот во генералниот пласман Жоан Мир сега има 162 бодови, 37 повеќе од конкурентите, тимски колега Алекс Ринс, и Фабио Квартараро од Јамаха кој денеска заврши дури на 14-тото место и освои само два бода. 

 

Следната трка повторно ќе се вози во Валенсија и тоа за седум дена.