Свет
2. January 2019 - 15:02

Со нож расекле душеци и во нив пронашле мигранти - цариниците шокирани од глетката, но ова не е се

Криумчарењето мигранти од Африка во Европа станува сè поопасно, а најновиот пример кога шпанската полиција открила неколку мажи сокриени во душеци за спиење ја шокираше јавноста.
 
Видеото кое настанало на границата со Мароко ги прикажува полицајците кои од кровот на автомобилот ги спуштаат душеците и со нож го сечат најлонот и платното на душекот.
 
Душеците биле прицврстени за кровот на автомобилот, а во нивната внатрешност лежеле мигранти. Не е познато колку долго тие биле во внатрешноста на душеците, ниту како дишеле низ сошиеното платно и најлонот.
 
Како што пренесува “Sky News”, возачот на автомобилот побегнал во Мароко, но шпанските власти сепак го пронашле и го уапсиле.
 
Мароко стана главен влез во Европа за африканските мигранти.