Македонија
27. January 2022 - 16:05

Со македонско знаме на ковчегот и „Зошто си ме мајко родила“ Аки Рахимовски испратен до вечното почивалиште | ВИДЕО

Со македонско знаме на ковчегот и македонската песна „Зошто си ме мајко родила“ фронтменот на Парни ваљак, Аки Рахимовски денеска е испратен до вечното почивалиште во Загреб.

Легендарниот Аки Рахимовски почина во саботата на 22 јануари 2022 година во Ново Место, Словенија. Причината за неговата смрт се уште не е потврдена, но Рахимовски имаше проблеми со срцето поради што му се вградени шест стентови.

Роден е во Ниш во 1955 година, но пораснал во Скопје, каде што неговото семејство се преселило кога бил мал. Тука почнал да го стекнува своето музичко образование, учејќи клавир и пеење.

Бил член на неколку групи, пред да го запознае гитаристот и композитор Хусеин Хасанефендиќ, со кого во 1975 година ја основал групата „Парни ваљак“, која низ годините ќе стане една од најпопуларните во поранешна Југославија, а Рахимовски еден од најдобрите фронтмени.